وكالات//

هزات واحد القصة مؤثرة بزاف الشارع ديال ميريكان مؤخرا، والضحية ديالها واحد الدري صغير عندو غير 6 سنين في العمر ديالو، والمتهم هو باه لي عندو 34 عام.

المحكمة دبا فمدينة نيوجيرسي كتتاهم الأب ديالو بأنه هو المتسبب في الموت ديالو هادي عامين، بعدما بزز عليه أنه يجري كثر من جهدو على الطابي ديال الجري، حينت بان ليه أنه “سمين كثر من القياس”.

https://twitter.com/CollinRugg/status/1785686468243112256

وكتبين شي لقطات ديال الفيديو من كاميرا مراقبة ديال واحد القاعة ديال الميسكولاسيون، كيفاش كان كيبزز الأب على الطفل الصغير لي سميتو “كوري ميتشولو” أنه يجري أكثر من جهدو.

كتقول ماماه أنه غير وصل للدار داك النهار هو يسخف، ومن بعد ولا مرخي ومكيقدرش يتنفس، وغير شوية وهو يموت.

من بعد ما دارو ليه التشريح لقاو أنه مات بسباب نوبة في القلب وإصابات في الكبدة وتعفن الدم، وهيئة المحلفين قررات أنها تتابع الأب ديالو.