وكالات//
الصحافة الميريكانية متبعة الشادة والفادة على بنت كيم جونكَ أون لي بانت لابسة مونطو من لامارك كريستيان ديور.
واشنطن بوست قالت أنه ماشي مؤكد واش المونطو أصلي ولا فايك، ولكن في جميع الأحوال هو اختيار لي نوض صداع في بلاد كتقول أنها فقيرة وقريبة تولي فيها المجاعة.
وقالت الصحيفة أن علامة ديور مكانتش كتسنى إشهار بهاد النوع من بنت كيوجدها باها باش تكون الخليفة ديالو.
وهاد المونطو بين أن العائلة المالكة في كوريا الشمالية كتعيش الرفاهية.
