كود سبور//

أكد نبيل باها مدرب المنتخب الوطني المغربي لكرة القدم لأقل من 17 عام، أنه هو وولدو زياد باها متفهمين الجمهور المغربي اللي كايطالبو ديما بالمزيد وبمستوى أفضل.

ووضح نبيل باها فتصريح له ملي سالا ماتش المغرب لأقل من 17 عام ضد جنوب إفريقيا ضمن دور ربع نهائي كاس إفريقياU17، وقال: “الجمهور ديما عندو الحق وهذا الشي كانقولو لولدي والجماهير كاتبغي ديما ما احسن وزياد كابابل وعارف هذا الشي وحنا ما عندنا حتى شي مشكل مع الجماهير وراه ماركا دوبلي وقاليا الجمهور عاوني بزاف يا بابا باش قدرت نفرحهم”.

وكانت واحد الفئة من الجمهور انتقدت المدرب نبيل باها حيث كايلعب ولدو زياد باها أساسي، قبل ما يتألق الولد ويماركي 2 أهداف ساهم بهم فرباح المغرب على جنوب إفريقيا بنتيجة 3 لواحد والتأهل لدومي فينال كأس إفريقيا لأقل من 17 عام.