الرئيسية > كود-تيفي > بان معاه الرابور طوطو كيبرم جوان.. جمهور الفلوكَر طه ايسو كاعي! – فيديو
28/02/2021 09:00 كود-تيفي

بان معاه الرابور طوطو كيبرم جوان.. جمهور الفلوكَر طه ايسو كاعي! – فيديو

بان معاه الرابور طوطو كيبرم جوان.. جمهور الفلوكَر طه ايسو كاعي! – فيديو

نجوى المالحي – كود //

نهار الخميس، الفلوكَر طه ايسو حط فيديو تيزر كيعلن فيه على الضيف ديالو في تحدي 25/25 لي طلقو بمناسبة عيد ميلادو، ولي كان هو الرابور طه فحصي المشهور ب El Grande Toto.

الفيديو الترويجي فيه 20 دقيقة وبانو فيه الدراري بجوج وسط طوموبيل كيغنيو وطوطو كيبرم جوان.

المتتبعين ديال طه عبرو على رأيهم ونتاقدوه بأسلوب محترم بعيد على السبان وقالو ليه بانه متبعينو بزاف ديال المراهقين والترويج لفكرة بريم جوانات والحشيش في الكونط ديالو هي في غير محلها نهائيا.

طه متفاعلش مع التعاليق، ولي كيعرف طوطو ومتبعو في حساباتو على مواقع التواصل غادي يعرف انه ديما كيبرم الجوانات، وديما مكيف، ولكن الامر رفضو يشوفوه عند طه ايسو بصفتو مؤثر أولا، ولأن عدد كبير من المتتبعين ديالو مازال صغار.

https://www.instagram.com/reel/CLtziMSJs90/?igshid=3aod30otsmgj

موضوعات أخرى