وكالات//

نشر جاستن بيبر فيديو جديد وهو كيدير رقصة راب غريبة دارت حالة ديال القلق وسط المعجبين ديالو، خصوصا بعدما بارطاجاو شي أخبار على تدهور حالتو النفسية.

في الفيديو لي نشرو على إنستغرام، كان بيبر كيغني وعينيه خارجين بحال إيلا سكران ولا ضارب شي شقف.

هاد السلوك الغريب خلا المعجبين ديالو مخلوعين بزاف على صحتو ، خصوصا أنه ولى أب حديثا لابنه “جاك بلو” لي عنده ستة شهور.

طالبو المعجبين ديالو باش ياخد المساعدة، وبزاف منهم ذكروا ابنه وقالوا ليه أنهم خايفين على صحته.

الفيديو هذا جاء بعد ما نفى بيبر شائعات استعماله للمخدرات القوية قبل أيام، وقال الممثل الإعلامي ديالو أن بيبر في حالة جيدة حاليا، وكيهتم بالأبوة وكيدير موسيقى جديدة.