وكالات//

الممثلة المكسيكية بليندا خطفات الأنظار فمهرجان كان السينمائي بإطلالة زوينة بزاف، دارات البوز وخلقات تفاعل كبير فالسوشيال ميديا.

بليندا بانَت متألقة على السجادة الحمرا بفستان كحل شيك وجريء، بيّن القوام ديالها وفيه تقوبات فبلايص محسوبة، ولابسة معاه ليكات طوال كيتماشو مع اللوك، الشي اللي عطاها حضور قوي فواحد من أكبر المهرجانات العالمية.

وحيت هي سفيرة ديال ماركة “لوريال باري”، سافرات بليندا للريفييرا الفرنسية باش تحضر مع المشاهير اللي كيمثلو الماركة فهاد الحدث الكبير، اللي كيتدار فمسرح “Grand Théâtre Lumière”  وكيدوي فيه نجوم كبار من العالم كامل.

الفستان ديالها كان مْقطّع بطريقة دقيقة، بان فيه الخصر والظهر، وزادت عليه ماكياج خفيف وراقي بيّن ملامح وجهها، ختارت ألوان ناعمة بحال لون البشرة فالشفايف والعيون، وزادت عليهم شوية ديال اللمعة اللي زادت من الأناقة ديالها بلا ما تغطي على الفستان.

https://www.instagram.com/belindapop/?utm_source=ig_embed&ig_rid=09c4c4cd-f7e6-4dbf-a057-9fc7881899a6

وماشي هادي أول مرة بليندا تحضر فكان، بحيث فواحد الحضور السابق ديالها، لبسات فستان أبيض مزهر وفيه تفاصيل فضية، وكمّلات اللوك بصندالة بيضاء بكعب عالي، الشي اللي عطاها لوك أنثوي وناعم فظهورها الأول.

وكتبات بليندا فـ”إنستغرام”: “صباح الخير يا كان”، وحطات مع البوست تصاور من اللحظات اللي وصلت فيها، وتفاعلو معاه الآلاف من المتابعين ديالها، وحتى الفنانة ماجو أغيلار كتبات ليها فتعليق: “أنيقة، راقية، متألقة فمهرجان كان السينمائي… باينة مثالية”.