كود سبور//

اعتبر النجم الإيطالي ماريو بالوتيلي ان الدولي المغربي عادل تاعرابت اللي لعب معه فالميلان فالطاليان، كوايري على النجم البرازيلي نيمار جونيور.

وماريو بالوتيلي اللي كيلعب دابا مع فريق أضنة ديميرسبور التركي، كان طالع على “تويتش” كيدردش مع المتابعين ديالو، وقالهم: “تاعرابت بالنسبة ليا احسن من نيمار فالفنيات.. نيمار ظاهرة وما يمكنش نقارنوه، ولكن إلى دوينا على التقنيات تاعرابت واعر عليه”.

للإشارة، فالطالياني ماريو بالوتيلي والمغربي عادل تاعرابت لاعبو مع بعضهم فميلان الإيطالي، ودابا المهاجم الطالياني محترف فتركيا، والنجم المغربي كيلعب مع النصر الاماراتي.