كود – عثمان الشرقي //

فمفاجأة ما كانتش على البال ،علنات المغنية الجزائرية  وردة “شارلومانتي” على زواجها من جديد، بعد أيام قليلة من إعلان طلاقها، وهاد الخبر دار روينة كبيرة فمواقع التواصل الاجتماعي.

https://www.facebook.com/share/v/1DkQ1dMqyj/

وبانت شابة وردة فتصاور وفيديوات وهي لابسة قفطان مغربي، الشي اللي خلا المتابعين يتفاعلو مع الحطة ديالها، عدد كبير من الناس عبّرو على الصدمة ديالهم من السرعة اللي تبدلات بها الحالة الاجتماعية ديالها، اما آخرين تمنّاو ليها حياة سعيدة وبداية جديدة.

بعض المتابعين طرحو تساؤلات على هاد القرار السريع، واش كان مخطط ليه من قبل، ولا غير ظروف خاصة خلات الأمور تمشي بهاد الطريقة ،ولكن وردة فضّلات تبقى بعيدة على التفاصيل، وخلات الحدث يهضر على راسو، ولكن الدموع ديالها وهي كتحتافل بزواجها الجديد اعتبروهم المتابعين بلي كيعاودو على حياتها العاطفية المظطربة.

وردة شارلومانتي علقات من بعد ” الراجل لي مايخرجنيش من الكـ ـباري ماعندي ما ندير بيه الراجل لي ميصرفش على ولادي يقعد في داره خير“