كود كازا//

https://www.facebook.com/watch/?v=358640832133826

فعشرين نونبر 2014 جو بايدن اللي كان ديك الساعة نائب اوباما الرئيس الامريكي٬ تواجد فمراكش باش يفتاتح القمة العالمية لريادة الاعمال اللي بلادو كتنظمها كل مرة فبلاد. فداك النهار وصل لمراكش من فاس ومنها رجع فحالو. حدث غادي يبقى لاصق فذاكرتو.

حقاش باش دخل لافتتاح القمة كان فديك الخيمة شي 4 الاف شخص حسب المنظمين حينها ل”كود”٬ وهادو كلهم تمناو ليه عيد ميلاد سعيد. بعد ذلك فالمطار عزفات الفرقة الموسيقية للقوات الملكية الجوية المكلفة باسقبال الشخصيات حتى هي الحان “عيد ميلاد سعيد”. كان مع بنكيران عبد الاله رئيس الحكومة حينها ودوايلت بوش سفير اميركا في الرباط ووالي مراكش حينها عبد السلام بيكرات بالاضافة طبعا الى زوجة بايدن.

بزاف كتبو باش تعلن على ان بايدن هو الرئيس 46 للولايات المتحدة الامريكية ان بنكيران هو اللي فاجأ بايدن بهاد العزف. “كود” سولات بنكيران وقال باللي ديك المفاجأة هو ما كانتش فراسو.

طبعا كلشي دارو البروطوكول الملكي. هو اللي كان فراسو كلشي وفراسو وقتاش عيد ميلاد نائب الرئيس.

بايدن باش سالات الفرقة الموسيقية للقوات الملكية الجوية العزف مشى حيا شاف دوركيستر وسلم عليه جوجت المرات. بنكيران قال ل”كود” باللي “تأثر بزاف” و”عجبو الحال باش تفكرنا عيد ميلادو”