وكالات //

صدم النجم الميريكاني كايري إيرفينغ، لاعب فريق دالاس مافريكس د الباسكيط، كاع الصحافيين لي حضرو الكونفيرونس لي جات مور الماتش د فرقتو ضد ميلووكي باكس، وهو لابس الكوفية الفلسطينية.

هاد الخطوة كتجي كتعبير منو على التضامن ديالو مع الفلسطينيين على ود الاعتداءات لي كيتعرضو ليها يوميا من إسرائيل في الحرب على غزة.

ومحيدش إيرفينغ الكوفية حتا سالات الكونفيرونس لي هضر فيها على تفاصيل الماتش، الأحد.

في 11 أكتوبر لي فاتت، كتب إيرفينغ، ف الكونط “إكس”، واحد الستاتو كينتاقد فيه الصحافة د ميريكان والتغطية ديالها للحرب على غزة.

وقال فيها نجم الباسكيط العالمي: ” فين نتوما يا نجوم التلفزات باش تنتاقدو الناس لي كيوقفو في جنب المظلومين؟”.