الرئيسية > آش واقع > بالفيديو. عساس عمارة بحي أكدال حگر وسب عاملة نظافة: نتي راكي بحال الزبل اللي كتجمعيه..اللي كيجمع الزبل راه غير زبل
30/05/2020 13:30 آش واقع

بالفيديو. عساس عمارة بحي أكدال حگر وسب عاملة نظافة: نتي راكي بحال الزبل اللي كتجمعيه..اللي كيجمع الزبل راه غير زبل

بالفيديو. عساس عمارة بحي أكدال حگر وسب عاملة نظافة: نتي راكي بحال الزبل اللي كتجمعيه..اللي كيجمع الزبل راه غير زبل

كود الرباط//

الغوات والتهجاج بزنقة الأشعري بحي أكدال بالرباط، واحد الحارس ديال عمارة نزل لقى عاملة النظافة التابعة للبلدية كتشطب و جامعة شي كومة ديال الأزبال حدا العمارة باش تديرها فالبركاصة ملي تسالي.

تهجم الحارس على عاملة النظافة، وقالها: جمعي علينا زبلك من هنا، وملى قالت ليه ما تغوتش عليا ناض كيحيح عليها و كيغوت بجميع الشتائم و السب و كيقول كلام نابي جدا: “نتي راكي بحال الزبل اللي كتجمعيه..اللي كيجمع الزبل راه غير زبل”.

المارة ما عجبهومش الحال و تجمعو عليه رجالات الدرب و إسطاضمو معاه، وقالو ليه: ” ما تحكرش عليها و خليها تدير خدمتها”. اما الحارس فكمل كيعاير وكيشير على عباد الله: ” هاديك راه غير زبالة و دخلو سوق راسكم أ الفضوليين”.

عساس ديال عمارة حگر عاملة نظافة بالرباط

Publiée par Goud.ma sur Samedi 30 mai 2020

وماسكت الحارس، حتى هددوه بالبوليس.

هاد السلوكات خايبة والحكرة ما مزياناش. وهادشي كيعني انه باقي عندنا ناس متخلفين كيعتابرو العمل في نظافة الشوارع و المرافق العمومية إهانة، في حين هذا عمل شريف و نبيل جدا وكيتعتابر وظيفة عمومية.

خاصنا نحييو جميع عاملات و عمال البلدية اللي سهرو على نظافة الأحياء و الشوارع في ظروف هاذ الحجر والجايحة، وعرضو حياتهم للخطر و الإصابة بالوباء وما بخلوش علينا بالجهد ديالهم.

موضوعات أخرى

08/07/2020 13:06

لفتيت لزعماء الأحزاب السياسية: الداخلية غادي تلتزم الحياد التام مع كل الأطراف المتنافسة ودبا اعطيونا مقترحات لتعديل المنظومة الانتخابية