گود – سبور ///

ضحك الصحافي الجزائري لخضر بالريش اللي قدم الاستوديو التحليلي ديال ماتش الهلال ضد الحزم، المتابعين عليه فاش بغا يصغر بحارس المنتخب الوطني والهلال السعودي ياسين بونو.

الصحافي الجزائري، لخضر بالريش حاول يصغر بياسين بونو قدام المشاهدين ودار راسو ما كيعرفش بونو، وسولو: واش هذا أول لقب تديه؟ “.

ياسين بونو ما عطلوش فالجواب وجاوبوا بنبرة فيها شوية ديال الضحك بحكم هاد السؤال الغبي من لخضر بالريش، وقال ليه: “الله يهديك”.

الصحافي الجزائري عاود نفس السؤال مرة أخرى، ولكن ياسين بونو حارس الهلال جاوبوا بنفس النبرة “الله يهديك” فإشارة لأن لخضر بالريش ما عارف والو.

ياسين بونو ربح فمسيرتو جوج يوروبا ليگ مع إشبيلية، بالإضافة للقب الليگا مع اتليتيكو مدريد وكان فيها حارس إحتياطي، وربح الدوري المغربي مع الوداد فبداياتو وكان احتياطي، بالإضافة لكأس السوبر السعودي مع الهلال.