الرئيسية > كود-تيفي > بالفيديو. البومبيا ديال الصبليون عتقو شفار مغربي كان حاصل فالشوميني ديال واحد الدار
07/10/2019 18:00 كود-تيفي

بالفيديو. البومبيا ديال الصبليون عتقو شفار مغربي كان حاصل فالشوميني ديال واحد الدار

بالفيديو. البومبيا ديال الصبليون عتقو شفار مغربي كان حاصل فالشوميني ديال واحد الدار

جمال بناصر – كود//

تدخلت عناصر البومبيا ديال مدينة غرناطة الاسبانية، نهار السبت الفايت، باش تعتق شفار  مغربي كان حاصل فوسط مدخنة ديال واحد الدار كان داخل ليها باش يسرقها.

الشفار، اللي ما فايتش في العمر 20 سنة، طاحت عليه واحد الفكرة غبية، و هي انه يستغل نحافته، حيث يالله تايوزن ربعين كيلو، باش يسرق واحد الدار عن الطريق الدخول ليها من الشوميني، اللي القطر ديالو اقل من 30 سنتمترا، و لكنه حصل فوسطو و ما قدر لا يدخل و لا يخرج من الفخ اللي دخل ليه برجليه، و في الاخير سلم امره للي خلقو بدا تايغوت  باش يجيو يعتقوه.

وفعلا هاذشي اللي حصل حيث سمعو واحد من الجيران وخرج تايقلب منين تايجي الغوات لكنه ما عرف فين كان حاصل صاحبنا غي بالذراع، و في الاخير لما فهم الجار أن الأمر يتعلق بسرقة فاشلة عيط على البوليس و البومبيا اللي دار مجهود كبير باش يخرجو المروكي من الشوميني اللي كان حاصل فيه.

 

 

Zone contenant les pièces jointes

Prévisualiser la vidéo YouTube Rescatan a un ladrón atrapado en una chimenea en Granada

 

 

موضوعات أخرى