كود يونس أفطيط///
نعياو نقولو انه كاين اصلا فهاد البلاد ومنكتاشفو فالنهاية أن هاد الهضرة كلها تخربيق ومامنهاش، وحتى ملي كتنوض السلطات طبق القانون ودير فيها النزاهة والشفافية كتلقاها كطبقها غير على المواطن البسيط لي ماعندو ركيزة.
حملة محاربة احتلال الملك العمومي هاد الصباح دازت فمدينة الناظور على شارع الامير سيدي محمد، بدات كتنقي الشارع وملي وصلات لواحد لبلاصة حيدات الخضر والفواكه لواحد التاجر في حين ماقاصتش واحد التاجر حداه ساد الطريق ديال بصح.
“كود” سولات بعض المواطنين في عين المكان على مالك هاد المحل التجاري لي كيبيع السلعة بالجملة وأكد لها الجيران أنه عضو المجلس البلدي في حين أن التجار الاخرين غير مواطنين عاديين وماعندهومش لي يدافع عليهم.
السلطات عوض ما تعطي المثال بالمسؤول لي كيخرق القانون كتنوض تزكيه امام الملأ هادشي لي خلا مجموعة من المواطنين يستنكروا هادشي وناض احد المتضررين كيغوت فوسط الشارع كيقول حنا عندنا الله ماعندنا تاحاجة اخرى وهادو كيحگرو غير على المسكين.
https://www.youtube.com/watch?v=07Qc_unSvQ4&feature=youtu.be
Il veulent provoquer un autre séisme dans le nord , ces pseudo responsables qu sont en réalité des malfrats