الرئيسية > آش واقع > بالفيديو. آيت منا لـ”كود”: القرار الأوروبي ضد المغرب مدروس ومفبرك ومنتظر وها علاقتو بـ”قطر- گيث”. .والاستغراب ديالنا هو موقف فرنسا لي نورمالمون عندنا معها علاقة مزيانة
24/01/2023 17:30 آش واقع

بالفيديو. آيت منا لـ”كود”: القرار الأوروبي ضد المغرب مدروس ومفبرك ومنتظر وها علاقتو بـ”قطر- گيث”. .والاستغراب ديالنا هو موقف فرنسا لي نورمالمون عندنا معها علاقة مزيانة

بالفيديو. آيت منا لـ”كود”: القرار الأوروبي ضد المغرب مدروس ومفبرك ومنتظر وها علاقتو بـ”قطر- گيث”. .والاستغراب ديالنا هو موقف فرنسا لي نورمالمون عندنا معها علاقة مزيانة

كود الرباط//

قال هشام آيت منا، عضو اللجنة البرلمانية المغربية-الأوروبية، في حوار مع “كود”، تعليقا على القرار الأوروبي الأخير حول حرية الصحافة بالمغرب، بلي :” الاستغراب ديالنا هو دخلت دولة اخرى اللي عندنا علاقة مزيانة معاها لي فرنسا، فالملف ودرت موقف ضد المغرب”.

وأضاف ايت منا لـ”كود” :”مفهمناش موافق البرلمانيين ديال فرنسا وبالضبط النواب مجموعة ريونيون، اللي خدات موقف  ضد المغرب ، مواقف غير مفهومة”.

وتحدث ايت منا في الحوار عن خلفيات القرار الأوروبي، مؤكدا أنه كان متوقعا ومنتظرا لأنه “هناك انزعاج تعدد الشركات لدى كبير من الأوروبيين”.

وهضر ايت منا كذلك على الحوار ديالو مع القناة البلجيكية الرسمية، خصوصا فاش قطعو ليه الحوار ولكن هو سجلو على حد تعبيره.

اليكم نص الحوار:

“كود”: بداية، ممكن تحكي لينا قصة القرار الأوروبي خصوصا أنك كنتي متبع كواليس ديالو؟

ايت منا:

أولا، نبداو باجتماع اليوم ديال البرلمان المغربي بمجلسيه النواب والمستشارين لي جا كردة فعل للقرار اللي داز فالبرلمان الأوروبي نهار الخميس، اللي بعض الناس تحايلو شوية على المؤسسة البرلمانية الأوروبية وحقوق الانسان وحرية التعبير ولا الحق فممارسة مهنة الصحافة  باش يغلطو ويدوزو واحد الاغراض محطوطة فأجندة اخرى موراها اعداء الوطن اللي كنعرفو،منها الجيران.

ولكن الاستغراب ديالنا هو دخلت دولة اخرى اللي عندنا علاقة مزيانة معاها لي هي فرنسا. مفهمناش موافق البرلمانيين ديالها وبالضبط البرلمان مجموعة ريونيون، اللي خدا موقف  ضد المغرب ، مواقف غير مفهومة .

عادي يكون هاد الاجتماع باش يبين الموقف دالمغرب والبرلمان المغربي كمؤسسة. انه تجي تتهم المغرب بحوايج مكايناش وتعطي الكلمة لأعداء المغرب باش يضربو فالمغرب بالنسبة لحقوق الانسان او الوحدة الترابية .

حنا اللي كيتزعم هادشي هو البرلماني “كخيس بوغو” اللي  من كطالونيا وعندو أجندة ديالو ديال كطالونيا، البرلمانية  لي طلبات منع ولوج البرلمانيين المغاربة للبرلمان الأوروبي هي من اصل جزائري.

هادشي كامل مدروس مفبرك ومدروس بتوقيتو، حنا مستغربين غير من الدور اللي لعبوه بعض البرلمانيين الفرنسيين.

اليوم وضحنا بلي حنا مؤسسة تحترم الدستور والقوانين، ونطلبو ناس معهم الشراكة.

“كود”: شنو قيمة القرار الأوروبي؟

ايت منا:

منين كنهدرو على اوروبا فراه كنهدرو على البرلمان الاوروبي والاتحاد الاوروبي ومكاين حتى شي علاقة بيناتهم والموقف ديالهم مختلفة ..موقف البرلمان الاوروبي ماعندو حتى قيمة

جينا للبرمان، باش نقولو للشركاء ديالنا امكن تجاوزتو واحد ويمكن الناس غلطوكم، كنتمنى الميساج ديال مؤسستنا يوصل، لانه  عندنا مؤسسة اللجنة المشتركة البرلمانية الأوروبية المغربية اللي مع  للأسف مكتشتغلش، لانه فحال هاد المسائل من المفروض تتطرح للجنة وتتدرس وتخرج قرارات، الناس مباغيينش يخليو هاد اللجان يخدمو باش يقدرو يدوزو نيشان باش ياخدو صدى اعلامي باش يقدرو يخرجو افكار على المجتمع.

“كود”: واش هاد القرار كان متوقع ومدروس؟

هادشي كنا عارفينو مدروس وبالتوقيت ، اللي تسناو الوقت  البرلمان الاوروبي كيعيش فضيحة باش يقدرو يدوزو هادشي  وبلعاني تجبد سمية المغرب باش حتى اللي بغا يصوتو على  المغرب كيخافو يصوتو وكيتسناو نتيجة القضاء عاد يصوتو.

“كود”: درتي حوار مع القناة البلجيكية الرسمية وتقطع الحوار. ممكن تحكي لينا شنو طرا؟

ايت منا:

بخصوص حواري مع القناة البلجيكية ،حنا كنحترمو الصحافة.

بالنسبة ليا واحد الفكرة موصلوش ليها، حيث سجلت الحوار ، سولتهم فالاول واش غدوز بلا مونطاج، فاش قالي مونطاج قلت ليه غنسجل حيث عارف انه الكلمة الى خرجات من السياق ديالها غيكون عندها معنى اخر ، مع الاسف طرح عليا اسئلة اخرى ماشي اللي كان جاء عليها  حاول باش ميبينش الانتماء ديالو ، حنا جاوبناه.

بينا ليه باللي معندناش علاش غنتخباو،المهم هو خصهم يفهمو باللي اللغرب دولة عندها مؤسسة ديالها  واللي بغا يتحاور يتحاور مع بلادنا كتحاور بالندية …ماشي أستاذ مع التلميذ ديالو

وهادشي اللي متفهموهش بعض الناس.

“كود”: شنو تعليقك على إدراج اسم المغرب في فضيحة “قطر غيث”؟

ايت منا:

دبا ادراج اسم المغرب هو باش تمنع النواب الأوروربي باش ميصوتوش لصالح المغرب. هادشي جاء لغرض معين.

حنا مزال معارفينش اش طاري في قضية “قطر غيث” مزال مقالش القضاء الحكم ديالو. وفي نفس الوقت بلوكاو كولشي تجاه المغارب. كثر من هادشي مكاينش شي حد جاب دليل ثابت. نواب خافو يصوتو لبلد “كيرشي” واخا مكاينش دليل ولا القضاء قال كلمتو.

كيقولو المغرب كيتحسس على رئيس الوزراء الاسباني ووزير الدفاع ببيغاسوس، اول مساند للمغرب هو رئيس الحكومة الاسباني واللي الحزب ديالو صوتو لصالح المملكة، وخرجوا تقرير اللي كيبين هادشي كذوب.

دبا كاين بزاف ديال الفايك نيوز.

كيخرجو فايك نيوز، فوقت اللي ناس كتبغي توجد الاجوبة ديالك هوما كيدوزو قرارات.

“كود”: شنو تأثير هادشي على الشراكات مع المؤسسات والدول الأوروبية خصوصا فرنسا؟

ايت منا:

فرنسا هي شاف اوركستر ديال هاد لاكومباني، بحيث لي حطات مقترح القرار هي من حزب ميلونشون لي هي العدو السياسي لحزب ماكرون.

ملي كتشوف جوج احزاب مضاربين، تحالفو على المغرب، حزب ميلونشون حط مقترح ونواب ماكرون صوتو عليه. يعني اغتنم الفرصة باش يدوز داكشي لي بغا.

اليوم تعدد الشركات لي دار المغرب زعجهم فعلا. بحيث وصلنا لمستوى ولينا كنزعجهم.

“كود”: قرارات البرلمان منها المراجعة الشامل، فين تقدر توصل؟

ايت منا:

هادشي مرتبط بتطور الأمور. حنا درنا قرارات كبيرة ونتمنى منوصلوش لقرارات أشد.

اليوم خرجو برلمانيين اوروبيين، مصوتوش ودارت تغريدات فالتويتر ووضحو الامور، حيث جمدو تصويتهم  بسبب اثارة اسم المغرب في قضية “قطر غيث”.

موضوعات أخرى

07/02/2023 12:01

بودريقة رجع للواجهة وطلع لمنصة رئاسة مجلس النواب بعدما ناض عليه صداع “تذاكر مونديال قطر” ورفضو الاستقلاليين حوضورو – فيديو

07/02/2023 11:53

أنشيلوتي: حنا كاملين فريال مدريد عاجبنا الحال حيت جينا للمغرب راه بلاد زوين وهدفنا نربحو كأس العالم للأندية

07/02/2023 11:48

الطالبي العلمي: القرار الأوروبي افتراء وكذب.. وعمر جريدة مغربية صدرات فمواجهة نظام الحماية البغيض وعمر جريدة فرنسية تصدرات ضد الاحتلال النازي- فيديو

07/02/2023 11:09

المجلس الوطني لحقوق الإنسان: خاص تمنع زراعة المنتوجات الفلاحية للي كتستنزف الما.. وتوسيع تقنية تحلية المياه البحر لمواجهة الطوارئ المائية لي كتعيش بلادنا

07/02/2023 10:59

مدرب الهلال كيعترف بقوة الوداد وأن الماتش مع الحمرا كان صعيب وخايف يأثر على فريقو ضد فلامينكو