وكالات //

الضسارة ديال المصري محمد رمضان خرجاتو فالحيط، ودابا محكمة النقض فمصر حكمات عليه يخلص 6 مليون جنيه لعائلة الپيلوط “أبو اليسر” اللي مات بسبابو.

القضية ديال رمضان والپيلوط وصلات لآخر مراحل التقاضي، وما بقا عندو ما يستأنف، خصوصا أن السيد مات، وعائلتو حاقدة عليه، وما بقا عندو فين يزيد يهرب من القضية.

وكانت قضية رمضان والضحية الپيلوط تفجرت هادي عامين بعدما نشر رمضان تصويرة من المقصورة ديال الطيارة، واللي كان الپيلوط ديالها هو هاد “أبو اليسر”، هادشي اللي كيتعتابر خطأ مهني وصل حتى للطرد ديالو من الخدمة.

الپيلوط حيدات ليه شركة الطيران المصرية رخصة القيادة، وهادشي اللي تسبب ليه فأزمة نفسية وصحية سالات بدخولو لصبيطار والوفاة من بعد.