كود الرباط ///
كتبنا ف”كود” قبل ساعات باللي شي سكان فڤيلات هرهورة باقليم تمارة فالرباط بناو سور فيه باب باش يمنعو البحر على العموم. هادو اللي بناو كذبو وقالو باللي الباشا معاهم. دقائق بعد نشر “كود” للمقال علمنا انو تم هدم هاد الخيط.
السلطات وفق مصدر “كود” ما كان فراسها والو وباللي شي وحدين غير كذبو وصافي. واكدت مصادر “كود” باللي ريبو السور وغاديين يتابعو كاع اللي دار شرع الدين وخرق القانون ووظف السلطات فهاد الخرق
المصدر قال ل”كود” باللي السلطات شافت المقال ومشات للبلاصة باشراف القايد وريبات هاد الشي
هاد مالين الڤيلات استغلو الويكاند وانشغال السلطات بكورونا فيروس باش يدير هاد العملية الرديئة والسلطات قرقبات على دوك العاملين في انتظار فتح تحقيق حول المسؤولين عن هذه الجريمة.
