الرئيسية > تبركيك > بالصور. مشرملين بالسيوفة نوضو الرعب ليلة البارح في الرباط. ضحية لـ”كود” هجمو علينا مشرملين هازين سيوفة وهرسو ليا زجاج السيارة بساطور وكون وقفت ليهم كون قتلوني
09/06/2019 20:00 تبركيك

بالصور. مشرملين بالسيوفة نوضو الرعب ليلة البارح في الرباط. ضحية لـ”كود” هجمو علينا مشرملين هازين سيوفة وهرسو ليا زجاج السيارة بساطور وكون وقفت ليهم كون قتلوني

بالصور. مشرملين بالسيوفة نوضو الرعب ليلة البارح في الرباط. ضحية لـ”كود” هجمو علينا مشرملين هازين سيوفة وهرسو ليا زجاج السيارة بساطور وكون وقفت ليهم كون قتلوني

كود الرباط//

علمت “كود” ان عصابة نوضات الرعب في حي التقدم بالرباط، لبارح بالليل على ركاب السيارات، لي كثير منهم تعداو عليه جسديا وهرسولو طونوبيلتو.

العصابة كانت مكونة من 20 واحد تقريبا والهدف مكانش هو السرقة بل فقط يخرجو الحقد  ديالهم حسب شهود عيان، وقالت كوثر إحدى الضحايا في تصريحها لـ”كود” “: كنت بسيارتي مع خوتي الصغار وهجمو علينا مشرملين، هازين سيوفة حدا جامع ملين التقدم، واحد فيهم هرس ليا زجاج السيارة بساطور وكون وقفت ليهم كون قتلوني”.

وتابعت كوثر لـ”كود” أنها هربات لمحطة الوقود، من بعد معاشت حالة رعب، في غياب تام للأمن، وأكدت أنه في محطة الوقود القريبة لمكان الجريمة، شافت سائق طاكسي تعرض لاعتداء خطير على مستوى الرأس، وشخص أخر أصيب في يده بجروح خطيرة، مشيرة لتأخر رجال الشرطة الوقاية المدنية، لي خلى الضحايا يمشيو بسياراتهم المفرشخة لمستشفى السويسي بالرباط.

موضوعات أخرى