الوالي الزاز -كود- العيون///

[email protected]

شب حريق مهول بمركبة للنقل السري، على مستوى حي الأمل بالعيون، مساء السبت، وذلك بعد إنفجار أسطوانة الغاز المستعملة في المركبة كبديل للبنزين.

هاد المركبة لي كيسميوها فالعيون “كوير” كانت غادية بشكل عادي هازة بلايص بطريقة غير قانونية، قبل ما تشعل العافية فيها بشكل فجائي ويهرب مولاها والناس لي راكبين فيها.

بعد الهروب ديال مول الكوير زادت شعلات العافية مزيان وكلات المركبة كاملة، قبل ما يدخلو عناصر الوقاية المدنية والسلطات المحلية وبعض الناس على الخط ويطفيو العافية بعدما تسببات فخسائر مادية كبيرة بزاف، في حين فتحت المصالح الأمنية تحقيق فالواقعة.

لي ما كيعرفش “الكوير” فرا هي مركبة كدير النقل السري، عندها إيحابيات وعندها سلبيات، إيجابياتها أنها كتنقل الساكنة لأحياء العيون الشرقية لي ما كيبغيوش الطاكسيات يهزو لهاديك الأحياء واخا تزاوگ وترغب فيهم، والسلبيات لي فيها أن أغلب ملاك هاد المركبات كيخدمو بالبوطة مكان البنزين، وهادشي كيشكل خطر كبير على المواطنين.