الرئيسية > آش واقع > بالصور. فندق كيبني بدون ترخيص فمراكش والسلطات مغمضة عينها.. ومسؤول بالفندق: هادشي كذوب
30/09/2019 08:30 آش واقع

بالصور. فندق كيبني بدون ترخيص فمراكش والسلطات مغمضة عينها.. ومسؤول بالفندق: هادشي كذوب

بالصور. فندق كيبني بدون ترخيص فمراكش والسلطات مغمضة عينها.. ومسؤول بالفندق: هادشي كذوب

كريم الشرگي – كود///

فندق « savoy » اللي جاي فالشارع الرئيسي اللي كيوصل لمنتزه المنارة، داير شرع يديه حسب مصادر “كود”، اللي أكدت أن أصحاب الفندق كيبنيو فالواجهة ديالو رغم أن هاد المنطقة رجع غير مسموح البناء فيها.

مصادر “كود” أكدات أن السلطات وعلى رأسهم والي الجهة، مغمضين عينيهم على هاد التشويه اللي كيوقع وبدون رخصة، متساءلين عن الأسباب اللي كتخلي كولشي يغمض عينيه بهاد الطريقة على هاد البناء، في حين ممنوع على أي واحد فهاد الشارع يبني.

مسؤول بالفندق أنكر في تصريح ل”كود”، أن تكون الإدارة قد أقدمت على أي أمر غير قانوني، مؤكدا أنهم يعملون في إطار القانون سواء في الاصلاحات أو أي أمر آخر.

 

موضوعات أخرى