الرئيسية > آش واقع > بالتصاور والفيديو: مافيا الطاكسيات تحداو كلشي مع “كورونا”. وقفو كازا وضربو بوليسي وكيغوتو حادثة وهمية
29/07/2021 10:45 آش واقع

بالتصاور والفيديو: مافيا الطاكسيات تحداو كلشي مع “كورونا”. وقفو كازا وضربو بوليسي وكيغوتو حادثة وهمية

بالتصاور والفيديو: مافيا الطاكسيات تحداو كلشي مع “كورونا”. وقفو كازا وضربو بوليسي وكيغوتو حادثة وهمية

كود كازا ///

دولة مالين الطاكسيات لكبار دايرين قانونهم الفوضوي فهاد اللحظة فكازا. فشارع الراشدي فتقاطعو مع زنقة الجزائر مرونين حركة النقل. جاو حدا ولاية الدار البيضاء باش يحتجو على اجراءات خاصها دار باش نوقفو كورونا.

https://www.facebook.com/watch/?v=371365204447088&extid=NS-UNK-UNK-UNK-IOS_GK0T-GK1C

هاد المافيا ما هامها حتى شي حاجة الا يديرو الفوضى فالمدينة. يكون عندنا عشرة الاف حالة او عشرين الف حالة يوميا فكورونا هاد الشي ما هامش طاكسيات ما كيفرضو حتى شي نوع من الحماية من انتقال الفيروس. شي مخشي فشي وغالبية الشيفورات حاطين الماسك تحت فمهم.

اخر عنترياتهم من غير ارباك السيركيلاسيون فكازا هو ان واحد منهم قاس بوليسي كينظم السير. جا الديباناج باش يدي الطاكسي٬ ناضو كلهم وقفو وكيغوتو “حادثة وهمية”.

السلطات كتفرج فهاد العينة اللي ايلى بقات خدامة كيف بغات٬ حالات كورونا غادية تكاثر بزاف

موضوعات أخرى