الرئيسية > تبركيك > بالتصاور. الناس خارجين ومزاحمين كيتقضاو فجوطية تمارة بحال إلى ماكايناش كورونا.. ماكاينش التباعد الاجتماعي.. وبزاف مالابسينش الكمامات
25/06/2020 20:00 تبركيك

بالتصاور. الناس خارجين ومزاحمين كيتقضاو فجوطية تمارة بحال إلى ماكايناش كورونا.. ماكاينش التباعد الاجتماعي.. وبزاف مالابسينش الكمامات

بالتصاور. الناس خارجين ومزاحمين كيتقضاو فجوطية تمارة بحال إلى ماكايناش كورونا.. ماكاينش التباعد الاجتماعي.. وبزاف مالابسينش الكمامات

عفراء علوي محمدي- كود//

اليوم الجوطية ديال حي المسيرة جوج فتمارة عمرات بزاف بالمقارنة مع قبل، وواخا هذ الإقليم تابع لمنطقة التخفيف 1 من زمان، إلا أنه دابا زاد تحرر كثر، ولاو الناس يخرجو يتقضاو بلا مايديرو حتى اعتبار لمسافة الأمان.

الشارع “اللي كيعمر” كيف كيسميوه بزاف، كان خاوي قبل فالأيام الأولى دحجر، لكن الرواج ديالو بدا يرجع كيف كان شوية بشوية، الناس مزاحمة وكتقضى بحال إلى الفيروس غير إشاعة، وحتى واحد ما داير الاحتياطات ديالو، وبالزاف مالبسينش الكمامات.

بوشعيب واحد من الفراشة اللي كيحطو فالجوطية دسال المسيرة، صرح ل”كود” أن التجار صعيب يديرو الاحتياطات الوقائية فهذ المكان تحديدا، خيت ديما فيه الزحام والرواج كثير، وماشي الناس كاملين واعيين بنفس الدرجة.

بوشعيب أكد انه كيدير جهدو باش يعقم السلعة “لكن راه اللي جا كيمد يديه باش يشوف أو يشري، ومايمكنش التجار والبياعة يمنعوهوم، وعلى هذشي كيصعاب الوقاية من انتقال عدوى الفيروس.

وحسب آخر الإحصاىيات اللي علنات عليها مديرية الصحة فجهة الرباط سلا القنيطرة، ف11 يونيو، هذ المنطقة سجلات 151 إصابة بالفيروس وبانو فيها بعض البؤر العائية، وتكتشفو إصابات فصفوف مخالطين كثار، وممكن هذ الزحام وعدم احترام توصيات وزارة الصحة يكونو ليهم عواقب خايبة من بعد.

موضوعات أخرى

16/07/2020 10:30

سكوب. “كود” تقدم بدليل ما يؤكد أن رواية الداخلية حول إعفاء عامل آنفا ماشداش. تنشر وثائق تكشف حقائق جديدة تثبت أن «التضحية» بعفيرات ما عندو علاقة لا بفيلا «مونفيليي» ولا بقضية «إفراغ» مكتب محامي لي ناض عليها صداع كبير =وثائق