وكالات//

الفنانة المصرية، نجلاء فتحي، بانت فسوشل ميديا بتصويرة جديدة من بعدما غبرات ديال بصح، وكانت مفركسة والناس عجباتهم بالأناقة ديالها وبداو كيهضرو عليها وقالو أنها مزال بوݣوسة ومتبدلاتش وحافظات على الزين والرشاقة ديالها واخا بدات كتكبر.

نجلاء فتحي قالت إن وزيرة الثقافة المصرية ستاجبات للطلب ديالها باش تركب لوحة جديدة فيها سمية ديال راجلها الكاتب الكبير حمدي قنديل ولصقاتها فالمدخل ديال العمارة لي كان ساكن فيها فمصر الجديدة فشارع الميرغني.

صحف محلية قالو أن اللوحة شفروها، والجهاز القومي ديال التنسيق الحضاري برئاسة المهندس محمد أبو سعدة دارو إعادة تركيب لهاد اللوحة قدام دار ديال حمدي قنديل فبلاصة هاديك لي تشفرات من بعد التوجيهات ديال وزيرة الثقافة نيفين الكيلاني.