احمد الطيب كود الرباط///

علمت “كود” من مصادر مطلعة أن زيارة الرئيس إيمانويل ماكرون للمغرب أيام 28 و29 و30 أكتوبر غادية تعرف زيارة مآثر تاريخية فالعاصمة الرباط.

حسب مصادر “گود”، ماكرون غايمشي لقصبة الوداية لي فيها مآثر تاريخية، وهادشي تأكد بعدما زار الوالي محمد اليعقوبي الوداية فالساعات الاخيرة للوقوف على الاستعدادات اللازمة باش تستقبل هاد القصبة الرئيس الفرنسي.

كشفت مصادر “گود” بلي كاينا استعدادات كبيرة لهاد الزيارة اللي غاتبدا باستقبال كبير من المطار، واللي متأكد بلي غايكون استقبال مهيب ديال سيدنا وحفل العشاء اللي مولف يديرو فزيارات دولة بحال هادي.

مصادر “كود” قالت باللي ماكرون غادي يخطب فمجلس النواب نهار لثلاث 29 أكتوبر وغالبا يكونو حتى المستشارين.