الرئيسية > آش واقع > باغيين غير البروباگاندا. المجلس الوطني لحقوق الإنسان استقبل عائلات معتقلي حراك الحسيمة
25/05/2019 12:30 آش واقع

باغيين غير البروباگاندا. المجلس الوطني لحقوق الإنسان استقبل عائلات معتقلي حراك الحسيمة

باغيين غير البروباگاندا. المجلس الوطني لحقوق الإنسان استقبل عائلات معتقلي حراك الحسيمة

كود الرباط ///

امينة بوعياش رئيسة المجلس الوطني لحقوق الإنسان، استقبلات يومي 23 و24 ماي، والدين وحباب عدد من المعتقلين ديال حراك الحسيمة.

وحسب بلاغ للمجلس، هاد اللقاءات اللي تدارو فمقر معهد الرباط – ادريس بنزكري – لحقوق الإنسان، كانو للاستماع لأمهات وعائلات المعتقلين وظروفهم، والتفاعل معهم بخصوص وضعية المعتقلين ومتابعة أوضاعهم.

وزاد البلاغ أن هاد اللقاءات جات بعد اللقاء اللي داروه  بداية هاد الأسبوع مع وفد عن جمعية لعائلات المعتقلين.

هاد اللقاءات جات من بعد الاحكام اللي صدرات فحق المعتقلين، فالوقت اللي هاد المجلس بقا ضارب الطم لوقت طويل، بينما كيتجاهل بشكل شبه تام معتقلي حراك جرادة والراشيدية، وكيتفاعل فمرات قليلة مع حراك الريف غير باش يدير شوية ديال البروباگاندا وصافي.

موضوعات أخرى

24/09/2019 08:15

الناجي يرد على مبادرة “خارجة على القانون”. اللي بصاح خارج على القانون هي السلطة وهاجر ما هي ضد القانون ولا خارجة عليه