وكالات//

مزال نجمة السينما الميريكانية بليك ليفلي كتتصدر عناوين الصحافة في بلادها والعالم بسبب الدعوى لي رفعاتها ضد المخرج بالدوني.

وعلى حساب مقال جورنال “ديلي ميل” البريطاني فالممثلة الميريكانية رفعات دعوى جديدة ضد المخرج بالدوني، كتطلب فيها بتعويضات مالية كبيرة.

وجا في الدعوى، لي رفعتها الليلة ديال رأس العام، أنها بغات الفلوس لي يعوضها على الضرر النفسي والعقلي والتشهير لي تعرضات ليه في الصحافة.

وكيجي هادشي بعد جوج ديال السيمانات من بعد ما رفعات الدعوى الأولى ديالها ضد بالدوني كتتهمو فيها بالتحرش الجنسي.

وقالت بليك، لي متزوجة من ممثل اخر معروف، إن المخرج تحرش بيها جنسيا ودار أجواء سامة وهوما كيصورو في الفيلم الجديد ديالهم.