كود سبور//
قررو نهضة بركان يعوضو الجمهور ديالهم على الماتش اللي ما تلعبش فروتور دومي فينال كأس الكونفدرالية الإفريقية ضد اتحاد العاصمة الجزائري، ويديرو لهم الدخلة بثمن مزيان فماتش الجيش فسدس عشر نهائي كأس العرش الخميس الجاي.
وغيحطو نهضة بركان تذاكر قمة سدس عشر نهائي كاس العرش، للبيع اليوم الثلاثاء مع الوحدة ديال النهار فالگيشيات ديال تيران بركان، ودارو لهم الدخلة ابتداء من 10 الدراهم، وكاينين تيكي ديال 15 درهم، والمنصة بـ70 درهم.
وكان جمهور النهضة البركانية جا للتيران بعدد كثير فالماتش الأخير ديال الفريق ضد اتحاد العاصمة الجزائري فدومي فينال كاس الكاف، ولكن الماتش ما تلعبش بسبب تحريض الكابرانات للفريق ديالهم حيث الفريق المغربي عندو خريطة المغرب فالتونيات.
