وكالات//

كانييه ويست، اللي عندو دابا 48 عام، ناوي يطلق مشاريع جديدة فالموضة والتجميل مع مراتو الجديدة، بيانكا سينسوري (30 عام)، والهدف حسب ما كيقولو هو ينافس كيم كارداشيان فالإمبراطوريات ديالها المعروفة SKIMS وSKKN، اللي كتوصل قيمتهم لملايير الدولارات .

كانييه، اللي معروف بلقب “يي”، كان مزوّج بـ كيم كارداشيان من 2014 حتى 2022، ومن بعد ما سالاو إجراءات الطلاق، بدا علاقة مع بيانكا.

الناس لاحظو أنه مؤخراً أعلن على موقع إلكتروني جديد، وقال باللي غادي يدير إطلاق غامض فـ 11 دجنبر، وهاد الشي خلى الناس يتكهنو أن المشروع الجاي غادي يكون نسخة شبيهة بالعلامة التجارية ديال كيم باش يبني “صورة مشابهة ليها‘‘.

حسب موقعRadar Online، مصادر قريبة من كانييه قالو أنو كايتعامل مع الموضوع بحال انتقام، وباغي يتفوّق على كيم فكل حاجة، حتى فالتصميم والعلامات التجارية.

وزاد بعض الناس اللي كيعرفو التفاصيل قالو إن بيانكا سينسوري كاتلبس دابا بحال كيم فأسلوب SKIMS، وهاد الشي جزء من استراتيجية كانييه باش يجلب الانتباه ويورّي السيطرة ديالو، وحتى كيتقال أنو باغي يحوّل بيانكا لنسخة من كيم فالمظهر والتصرفات.

أما كيم كارداشيان، فراها معصبة ومقلقة بزاف من هاد المخططات، وكتدير اجتماعات طارئة باش تواجه الوضع، خصوصاً أنها خايفة من أن كانييه يستغل شهرتها وأعمالها لصالح المشروع الجديد ديالو.