گود سبور//

غايخرجو الاتحاد الدولي لكرة القدم، تعديل فـ قانون اللعبة باش يقضيو على تضييع اللاعبين للوقت فـ الماتشات، وكشف الطالياني بييرلويجي كولينا، رئيس لجنة الحكام فـ الفيفا، ان هذا التعديل غايبدا فـ كأس العرب 2025.

ووضح كولينا فـ حوار له مع قناة “الكأس” القطرية، ان هذا التعديل الجديد فـ القانون ينص على أن اي لاعب توعت غادي يخرج من الماتش لمدة 2 دقايق، وغايبقى الفريق ديالو لاعب بـ10 اللاعبين فـ هاد 2 دقايق بشرط يكون دخل الطاقم الطبي للتيران عند اللاعب المصاب.

وأكد كولينا أن جياني انفانتينو رئيس الاتحاد الدولي لكرة القدم، قرر باش يتطبق هذا التعديل فـ كاس العرب 2025، وتجربتها قبل ما تطبق فـ المستقبل على باقي البطولات.