گود سبور//
قرب الدولي المغربي الشاب آدم أزنو لاعب بايرن ميونخ الألماني يخرج من الفريق مرة اخرى، حيث باغي يقلب على فرص أكبر باش يلعب ويدير بلاصتو حتى فالمنتخب الوطني المغربي للمشاركة فكاس إفريقيا 2025 المقبلة بالمغرب.
وحسب جريدة “بيلد” الألمانية، فإن آدم ازنو باغي يبقى فبايرن ميونخ ولكن عندو مشكل واحد هو أنه ما كايلعبش، وبالتالي فالشرط ديالو للبقاء هو يلعب وقت كثر مع الفريق من داكشي اللي لعبو من قبل والهضرة هنا على مونديال الأندية 2025، اللي لعب فيه دقايق قليلة.
نفس المصدر وضح أن اللي مشجع آدم أزنو يقلب على فريق آخر ويخرج من بايرن ميونخ، هو كاس أفريقيا 2025، اللي غايكون فالمغرب حيث اللاعب المغربي الشاب مول 19 عام، باغي يكون مع النخبة الوطنية اللي مشاركة فالكان، وباش يقنع وليد الركراكي مدرب المنتخب المغربي خاصو يلعب مع الفريق ديالو ويكون فالمستوى.