الرئيسية > آراء > باش يرجع الوسام الملكي قيمتو اللي مسها امثال دنيا باطما. عيد العرش هاد العام خاصو يعلق اوسمة لبحال القايدة حورية والبوليس والجدارمية وناس الصحة 
07/08/2020 09:00 آراء

باش يرجع الوسام الملكي قيمتو اللي مسها امثال دنيا باطما. عيد العرش هاد العام خاصو يعلق اوسمة لبحال القايدة حورية والبوليس والجدارمية وناس الصحة 

باش يرجع الوسام الملكي قيمتو اللي مسها امثال دنيا باطما. عيد العرش هاد العام خاصو يعلق اوسمة لبحال القايدة حورية والبوليس والجدارمية وناس الصحة 

كود – سعيد الشاوي ///

فعيد الشباب مناسبة كتعطى فيه اوسمة لشي شباب يكونو قدوة للمغاربة. وقعو زبلات وتعطاو اوسمة لوحدين ما كيستحقوهمش. ممثلون وممثلات ومنشطون اذاعيون بحال هاداك مومو اللي عاقباتو الهاكا اكثر من مرة على برنامجو وفنانون وفنانات.

اشهر مثال هو دنيا باطما. هادي عندها شي فقيه صحيح. خدات جوجت الاوسمة. كانت مصدعة لينا راسنا. قبل ايام تحكم عليها ابتدائيا فقضية حساب “حمزة مون بيبي” ب8 اشهر حبسا نافذا بتهمتي “المشاركة في الولوج إلى المعالجة الآلية للمعطيات عن طريق الاحتيال، وبث أقوال وصور تمس بسمعة الغير دون الموافقة المبدئية للمعنيين بالأمر”.

هادي خاص يتفعل فيها القوانين اللي كتطبق على حملة الاوسمة بعد الحكم استثئافيا. كاينة المادة 82 لي كتقول “تطبق العقوبات التأديبية على كل حامل لأحد الأوسمة الوطنية المغربية ارتكب ما يخل بالشرف، أو حكم عليه بعقوبة جنائية أو جنحية”.

دابا هاد العام اللي كيستحق اوسمة بصاح هي امثال القايدة حورية اللي دارو خدمتهم طيلة حالة الطوارئ الصحية باحترام لحقوق الانسان واحترام للقانون. اللي كيستحق وسام هاد العام هما رجال السلطة والبوليس والجدرامية والمرود… هادو خدمو. طبعا كاين اللي ما دارش خدمتو مزيان ولكن الجهاز كولو ضرب تمارة بزاف.

ناس الصحة يستحقو التفاتة كذلك. يستحق بعضهم وسام على الخدمة اللي دار.  فهاد الحالة غادي يتعطى وسام للاجهزة ماشي لاشخاص. على كل ما داروش ايام الجايحة.

بهاد الشي الوسام غادي يرد قيمتو اللي تمسات مع هاداك الحكم اللي خرج على دنيا باطما

موضوعات أخرى

27/09/2020 17:09

حصيلة كورونا اليوم.. 2444 مغربي ومغربية تصابو و28 ماتو و1441 تشافاو.. الطوطال: 117685 إصابة و2069 وفاة و95591 حالة شفاء.. و20025 كيتعالجو منهم 369 فحالة خطيرة

27/09/2020 17:04

الحموشي وحرمو والمنصوري اول من جرب ڤاكسان “كورونا” فالمغرب. اللقاح الصيني جربوه 600 من مسؤولين كبار فالجيش والجدارمية والمخابرات والبوليس وتجرب فدول اخرى

27/09/2020 15:30

عشاق الغابة كانت آخر تفويجة ليهم فالمساحات الخضرا فبوسكورة البارح بعد تفشي كورونا فالنواصر