وكالات//

علنات شركة أمازون برايم انها غادي تنتج فيلم وثائقي جديد  غادي يسلط الضو على حياة السيدة الأولى السابقة ميلانيا ترامب، لي غادي ترجع من جديد، في نظرة “خلف الكواليس” على المسيرة ديالها.

بداو تصوير الفيلم في شهر ديسمبر لي فات، وكيقولو انهم غادي يعرضوه  في النص الثاني من هاد العام عبر منصةPrime Video  وفالقاعات ديال السينما.

وغادي يشارك في إنتاج الفيلم بريت راتنر، المعروف بأعمال، مثل: Rush Hour، وغادي تدير السيدة ترامب دور المنتج التنفيذي.

وكيجي هاد المشروع وسط جهود أمازون باش تحسن علاقتها مع الرئيس دونالد ترامب، بعد توترات سابقة مع مؤسس الشركة جيف بيزوس ففترة رئاسة ترامب الأولى.

وسبق لأمازون وعلنات انها تبرعات لصندوق تنصيب ترامب الجديد فخطوة كان الهدف منها هو انها تقرب العلاقات مع الرئيس الجديد.