الرئيسية > آراء > باش هاد الحكومة فاشلة وغادية تجهل لمغاربة بتصرفاتها. علاش ما دارش احتجاجات كبيرة ضد هاد الحجر الصحي كل نهار بهاد الطريقة
06/06/2020 13:00 آراء

باش هاد الحكومة فاشلة وغادية تجهل لمغاربة بتصرفاتها. علاش ما دارش احتجاجات كبيرة ضد هاد الحجر الصحي كل نهار بهاد الطريقة

باش هاد الحكومة فاشلة وغادية تجهل لمغاربة بتصرفاتها. علاش ما دارش احتجاجات كبيرة ضد هاد الحجر الصحي كل نهار بهاد الطريقة

كود هناء ابو علي ////

الحكومة باغية تجهل المغاربة بصاح. طريقة تدبيرها للحجر الصحي كارثية. اليوم 6 يونيو وحتى حد ما عارف واش غادي يتمدد الحجر لصحي واش غادي يكون تدرج فرفعو. كاع الدول اللي كتحتارم راسها قدمات لشعوبها استراتيجيتها لرفع الحجر وكان نقاش وكانت ديبا سياسية ديال بصاح الا حنا.

دابا فهاد الضبابية ديال رفع الحجر ديال فتح لحدود باش نقدرو نقدرو شوية الموسم السياحي ونجيبو العملة الصعبة ويتحرك الاقتصاد شوية٬ بقى عند لمغاربة غير الاحتجاج وسيلة للتعبير. وسيلة لرفض هاد السياسة. 

طبعا فحالة الطوارئ الصحية ما يمكنش يكون الاحتجاج فالشارع ممكن يكون فالديور. علاش ما يخرجوش لمغاربة كل نهار مع الثمية العشية من شراجمهم ويحتجو بالمقارج ولا البرمات ولا لمقالي ولا بالصفارات…. كل واحد فدارو بلا شعارات ولا هدرة وفاحترام تام للتباعد الاجتماعي لحالة الطوارئ الصحية. 

هاد الشي ما محتاج لا لرخصة لا لطلب لا لترخيص. كل واحد حر فدارو يطل من سرجمو ويعبر على رفضو لهاد الحكومة. لسياستها فتدبير الخروج من الحجر الصحي بسباب هاد الجايحة. 

بقى غير الاحتجاج. خاص الحكومة تفهم باللي كلشي عيى. واش الصيف والحجر قرب ل3 اشهر والحركة الاقتصادية واقفة والعنف كثر فالديور وكلشي ولى طايب وقرب ينفاجر. وباراكا

موضوعات أخرى

06/07/2020 16:15

التقشف والغاء التوظيفات ولكريدي من الخارج ومواجهة التوتر الاجتماعي..مشروع قانون مالية تعديلي ف ظرفية صعيبة غايدوز غدا فالمجلس الحكومي