وكالات//

فواقعة صادمة هزّت الرأي العام فأمريكا، كاين طبيب أسنان من ولاية كولورادو كيتابعوه بتهمة قتل مراتو بعدما سمّمها بشوية بشوية، غير حيث ما بقى قادر يعيش معاها.

النيابة العامة وضحات أن الطبيب اللي سميتو جيمس كريج، ما بغا يطلّق مراتو باش ما يخسرش الفلوس وما تتشوّهش صورتو، فاختار طريقة مرعبة باش يتخلّص منها.

حسب الملف ديال الادعاء، كريج حاول أكثر من مرة يسمّم مراتو، حتى قدر يعطيها فالأخير جرعة قاتلة ديال السيانيد وهي فالسبيطار، فالوقت اللي كانو فيه الأطباء كيحاولو يفهمو علاش الحالة ديالها كتزاد سوء.

أنجيلا كريج، اللي كانت أم لستة ديال الولاد، تنقلات للسبيطار ثلاث مرات فأسبوع واحد، ومن بعد أعلنوا أنها ماتت دماغياً، وسط صدمة كبيرة فالطاقم الطبي.