الرئيسية > آراء > باش عريتو الزفزافي تزعطت فيه. بغيتهم يزوميو على كتافو وشفايفو باش نبوسهم من تلفوني
14/07/2017 08:13 آراء

باش عريتو الزفزافي تزعطت فيه. بغيتهم يزوميو على كتافو وشفايفو باش نبوسهم من تلفوني

باش عريتو الزفزافي تزعطت فيه. بغيتهم يزوميو على كتافو وشفايفو باش نبوسهم من تلفوني

هند لكلاوي مراكش كود ////

نهار شفت الفيديو ديال الزفزافي عجبني، عجبني نشوفو عريان، ما كرهتش يزيدو يعريوه كتر يوريوني les parties intimes، يقربو التصويرة كتر، يزوميو لي على كتافو باش نعنقهوم وعلى شنايفو باش نبوسهم من تيليفوني في انتظار يخرجوه دغيا باش نحاول نعيش هادشي فالواقع.

ناصر راجل بوكوص، زوين بزاااف، مثير، شفت الفيديو ديالو فواحد الوقيتة لي كنت يالاه ساليت مع صاحبي، وكانقول ماغايعجبنيش شي واحد لهاد الدرجة كيفما كان كايعجبني هو، ولكن نهار شفت الفيديو نسيت صاحبي فالبلاصة، وحبيت ناصر، وفكرة انني نعنقو كانت مثيرة كتر من انني ندير اي حاجة مع راجل وحداخور.

الفيديو غير إنساني وخايب ولي صورو حمار، ولكن اول مرة نفرح حيت عايشة فبلاد بحال المغرب، باش نلقى فرصة نشوف ناصر عريان نسبيا.

صعيب بزاف تكون انسان مؤثر فالواقع كاتجمع عرمة ديال عباد الله، وحتى نهار تشد فالحبس تكون مؤثر بفيديو ماكنتيش اصلا متوقع انه يخرج وتخلي بنت بحالي كانت واحد النهار كاتقول عليك مغرور تسهام من تيليفونها.

بغيت ناصر الى خرج شي نهار وقرا هادشي يسمحلي حيت قلت عليه مريض بالغرور، لان الحقيقة هو انك ديك السيد عندو علاش يتغر، غير صدرو بوحدو يخليه يتكبر حتى يعيا، ومن حقو يبانليه راسو واعر حيت هو بصح واعر، وانا حبيتو ومانساينو يخرج بفارغ الصبر.

موضوعات أخرى

05/07/2020 17:30

الوضعية الوبائية لفيروس كورونا فهاد 24 ساعة: 393 تصابو و396 تشافاو و3 ماتو.. الطوطال: 14215 حالة منها 9725 متعافي و235 متوفي و4255 كيتعالجو

05/07/2020 17:00

مندوبية التخطيط رسمات صورة كتخلع على الإنتاج الوطني فظل جايحة “كورونا”: ها شنو دار فينا توقف الأنشطة السياحية والتجارية وحتى النقل والجفاف

05/07/2020 16:30

الجدارمية لي تصابو فتدخلهم باش يطفيو عافية شعلها موقوف فراسو بالداخلة تهزو باليكوبتير للمستشفى العسكري بالرباط.. وحالة واحد منهم “خطيرة”