كود عن الوكالات ///

ايران كلات لعصا فليام اللولى للضربات الامريكية الاسرائيلية. تأثرات بقتل هاد الدول للمرشد علي خامنئي وبضرب قدرات هاد الدولة العسكرية. هاد الشي كيبان فاعلان مفاجئ لرئيس ايران مسعود بزشكيان. ففحسابو على “اكس” كتب باللي كاينة “شي دول بدات محاولات الوساطة” باش توقف الحرب. واوضح باللي بلادو منفاتحة على هاد الوساطات.

رئيس ايران قال باللي ايران “ملتازمة بالسلام الدائم فالمنطقة ولكن ما غاديينش نترددو لحظة وحدة فالدفاع على كرامتنا وسيادة بلادنا”

هادا كيقول هاد لكلام وهو كيضرب كاع دول المنطقة باش يجرها للحرب. ضرب دول الخليج ودول اخرى.

وطلب من صحاب الوساطة يخاطبو “اللي شعلو العافية” باستخفافهم بالشعب الايراني