الرئيسية > آش واقع > باش تكثر من عدد الكشفات لمصابي كورونا بشكل سريع وفعال.. وزارة الصحة غتولي دير تحاليل “سيرولوجيك” كتخرج فعشر دقايق – وثيقة
13/08/2020 19:11 آش واقع

باش تكثر من عدد الكشفات لمصابي كورونا بشكل سريع وفعال.. وزارة الصحة غتولي دير تحاليل “سيرولوجيك” كتخرج فعشر دقايق – وثيقة

باش تكثر من عدد الكشفات لمصابي كورونا بشكل سريع وفعال.. وزارة الصحة غتولي دير تحاليل “سيرولوجيك” كتخرج فعشر دقايق – وثيقة

عفراء علوي محمدي- كود//

كتستعد وزارة الصحة باش تستعمل التيستات “السيرولوجيك” (التحاليل المصلية السريعة) باش تكشف على المقيوسين بفيروس كورونا المستجد بشكل موسع وسريع، خصوصا وان هذ التيست اللي كيعتمد على محلول الدم كيخ

وحسب دورية لوزارة الصحة موجهة للمدراء الجهويين للصحة، حصلات عليها “كود”، فهذ القرار خداتو باش ترفع من عدد التحاليل اللي كيدارو، وباش تسرع فعلاج المصابين بالفيروس، وهذشي بعدما ولا يسجل المغرب أعداد مرتفعة من الإصابات بالفيروس فالآونة الأخيرة، وتحديدا من بعد الرفع من الحجر الصحي.

هذ التيستات غادي تتكلف بيهم مؤسسات الرعاية الصحية الأولية (ESSP)، وغايدارو لكاع الحالات اللي عندهوم عامل من عوامل الاختطار (كيفوق سنهم على 65 سنة أو نساء حوامل أو ناس عندهم امراض مزمنة أو كيعانيو من ضعف فالمناعة)، بالإضافة للحالات المشكوك فيها اللي ظاهرة عليها أعراض شبيهة بأعراض الإصابة بالفيروس أو اللي خالطو حالات تبثات إصابتها.

بالنسبة للي غيديرو هذ التحليلة ويخرج ليهم عنصر IGM إيجابي، غيخصهم يديرو تيست PCR، وفانتظار النتائج ديالو خاصهم يكَلسو فالدار ومايخرجوش، وإيلا عاوتاني خرجات التحليلة إيجابية فكيبقاو فالمنزل ديالهم وياخدو التريتمون الخاص بفيروس كورونا ومايخرجوش حتى يتشافاو، أما إلى خرجات التحاليل ديالهم سلبية، فغيلتزمو بإجراءات الوقاية العادية ويحتارمو التباعد الاجتماعي.

بالنسبة للمصابين اللي عندهم أعراض باينة واللي حالتهم متوسطة الخطورة إلى خطيرة، فغيخصهم يتلقاو العلاج فالسبيطار إيلا خرجو التحاليل ديالهم بجوج إيجابية.

بالنسبة للي خرجات تحليلتو السيرولوجيك من الديبار سلبية، أو كان العنصر IMG سلبي، فكيخصو يلتزم بإجراءات الوقاية العادية والتباعد الاجتماعي.

ومن خلال هذ الدورية، وزارة الصحة طلبات من المدراء الجهويين باش يعمموها على كاع مؤسسات الرعاية الصحية الاولية المعنية بالأمر، كيف أكدات أنه خاص على هذ المؤسسات تستمر فتقديم خدماتها الصحية بشكل عادي.

وهذا شيما مرفق من دورية الوزارة كيبين بشكل مبسط كيفاش كيخص التعامل مع الناس اللي غايديرو التيست سيرولوجيك، وشنو الإجراءات اللي خاص تدار معاهم من طرف هذ المؤسسات:

موضوعات أخرى