وكالات//
تعرضات واحد الشركة صينية لانتقادات كبيرة حيث ركبات كاميرات فالطواليطات ديالها باش تراقب الموظفين اللي كيبقاو وقت طويل ففترات الاستراحة فيها، وكتنشر الصور ديالهم فـ “جدار العار”.
على حساب مقال فموقع “أوديتي سنترال”، فبزاف ديال الشركات الصينية كتخدم على انها تمنع العمال من انهم يدوزو وقت طويل فالطواليطات باستخدام وسائل مختلفة، بحال تركيب ساعات العد التنازلي فالمراحيض ولا انهم يقلصو الوقت ديال الاستراحة لمرة وحدة فاليوم.
واحد الشركة ديال التكنولوجيا ومقرها ف “شنتشن” مشات بعيد بزاف، حيث ركبات كاميرات مراقبة بالتخبية فالمراحيض باش تراقب سلوك الموظفين، ومن بعد كتفضح الناس اللي كيقضيو وقت طويل تما وكتنشر لهم صور باش يشوفهم الجميع.
المتحدث باسم شركة ليكسون للتكنولوجيا الكهربائية والصوتية اعترف بأن الموظفين كانو تحت المراقبة فالمراحيض ديال الشركة، ولكن قال أن الهدف من هاد الإجراء هو انهم ينقصو الوقت لي كيضيعوه في الساعات ديال الخدمة.
