الرئيسية > آراء > باش تعرف بلي غا المكلخة على ختها هذا شهر اوكتوبر وحتى شي يوتوبوزة ولا انفليونسوزة مغربية ماشفناها هضرات مع المتابعات ديالها على أهمية الفحص المبكر لسرطان الثدي! والو غا مرحبا بيكم آ حبابي اليوم غانعري سوتي و نصبن زربية فالسطح! شوفو صاحبتي دارت ليا اللعابات! تناتفت انا وعگوزتي !
26/10/2021 14:00 آراء

باش تعرف بلي غا المكلخة على ختها هذا شهر اوكتوبر وحتى شي يوتوبوزة ولا انفليونسوزة مغربية ماشفناها هضرات مع المتابعات ديالها على أهمية الفحص المبكر لسرطان الثدي! والو غا مرحبا بيكم آ حبابي اليوم غانعري سوتي و نصبن زربية فالسطح! شوفو صاحبتي دارت ليا اللعابات! تناتفت انا وعگوزتي !

باش تعرف بلي غا المكلخة على ختها هذا شهر اوكتوبر وحتى شي يوتوبوزة ولا انفليونسوزة مغربية ماشفناها هضرات مع المتابعات ديالها على أهمية الفحص المبكر لسرطان الثدي! والو غا مرحبا بيكم آ حبابي اليوم غانعري سوتي و نصبن زربية فالسطح! شوفو صاحبتي دارت ليا اللعابات! تناتفت انا وعگوزتي !

سهام البارودي – كود//

شهر اوكتوبر معروف فالعالم كامل بأنه شهر التعريف بواحد من الامراض لي كايصيبو العيالات بشكل كبير و لي هوا سرطان الثدي ! الكونصير ديال البزولة ! اكثر كونصير كايتعرضو ليه العيالات و لي الحمد لله العلاج ديالو متوفر الآن فالمغرب خاص غير الانسان يدير الفحص المبكر باش يتفادى الصعوبات !

فهاد الشهر بزاف ديال الاذاعات و البرامج كايناقشو الكشف المبكر لسرطان الثدي و حتى المؤثرين فالعالم كامل فئة مهمة كاتشارك بالتحسيس عبر القنوات ديالها.

فالمغرب عدد كبير ديال العيالات كايتصابو بالسرطان كل عام و خصوصا سرطان الثدي و بزاف منهم كايوصلو لمرحلة متقدمة من السرطان عاد كايمشيو للطبيب داكشي علاش كايتعرضو لصعوبات كبيرة فالعلاج و نسبة منهم كاتموت للاسف ! هاد الصعوبات فالعلاج يمكن التفادي ديالها بالكشف المبكر داكشي علاش من المهم انه ولو مرة وحدة فالعام كل مرأة عندها ثلاتين عام الفوق تمشي دير الفحص ديال البزولة عند الطبيب ! مرة وحدة فالعام ماشي شي حاجة كبيرة و كاتخليك تبقاي مرتاحة و بزولتك مرتاحة و كلشي مرتاح

هاد الموضوع مهم و لكن حتى شي يوتوبوزة و لا شي انستاغراموزة و لا شي تيكطوكوزة ماهضرات عليه مع العيالات لي متبعينها ! هيام سطار و فتيحة روتيني اليومي و اسماء بيوتي و ندى حاسي و الطبقة هادو مقابلين غي اليوم غانعري سوتي و نصبن ليكم زربية فالسطح ! السلام حباباتي اليوم تناتفت مع عگوزتي ! آجيو تشوفو القصارة لي دارت ليا صاحبتي باللعابات ! حتى شي مؤثرة د النم ماواعية اصلا بالمرض عاد توعى ليك هي بالتحسيس و بالفحص المبكر ! اغلبهم ضحايا الهدر المدرسي و قلة الشي ! كونصونطراسيون ديال الفقر و الكالاخ و الأمية ماغاتعطيكش مؤثرات كايهتموا بمواضيع فحال سرطان الثدي لي كايقتل بزاف ديال العيالات كل عام ! غاتعطيك مؤثرات باغين يجمعو اكبر قدر د الفلوس عبر الادسنس واخا يعريو عليه سوتهم فاليوتوب ! و يموت لي بغا يموت و يعيش لي بغا يعيش!

موضوعات أخرى

29/11/2021 23:00

ها الصح.. المغرب هو البلد الإفريقي الوحيد اللي قرب من المعايير الأوروبية الخاصة بنسب التلقيح ضد كورونا.. 60 فالمية من السكان خداو الفاكسان و الدزاير مليوحة اللور ب 11 فالمية