الرئيسية > تبركيك > باسو للمنتقدين: عمركم دوزتو الطريق لي كنت كنضرب يوميا باش نسگي الما نشربوه
25/06/2020 22:00 تبركيك

باسو للمنتقدين: عمركم دوزتو الطريق لي كنت كنضرب يوميا باش نسگي الما نشربوه

باسو للمنتقدين: عمركم دوزتو الطريق لي كنت كنضرب يوميا باش نسگي الما نشربوه

نجوى المالحي-كود//

اختار الكوميدي محمد باسو يرد على جميع المنتقدين ديالو بطريقة مختلفة في ستوريات على حسابو في انستكَرام.

باسو خرج في أي واحد كيقلل منو طولا وعرضا، وما عقل على حتى واحد، وأي شخص كيعايرو بالأصل ديالو أو الفقر حط ليه هادشي بالعلالي وكل واحد خلاه يفهم الميساج.

الكوميدي باسو لي كيدرس الدكتوراه في جامعة في أمريكا، فتاخر بالأصول ديالو من طاطا ونشر تصاور من الطفولة، ديالو، وأيضا تصاور ديال الأب ديالو وعلق عليهم: “هذا الوالد لي كان كيضرب الطريق باش يجيب لينا الحطب نطيبو بيه”.

باسو لي تخرج من برنامج كوميديا قبل سنوات، واختار يمشي يكمل قرايتو بالموازاة مع العمل الفني، ما كيدوز حتى مناسبة باش يعبر على الفخر بالماضي ديالو، وهادشي لي خلاه يكتب هضرة قال فيها أن جزء كبير من عمره دوزو كيسكَي الماء باش يجيبو لدارهم يشربوه.

موضوعات أخرى

15/07/2020 21:30

الحصيلة الوبائية لكورونا فالجهات والأقاليم: 64 إصابة بفاس مكناس و2 وفيات فجهة الشمال.. وجهة فاس مكناس كتسجل 118 حالة تعافي