وكالات//

تغزّل الرئيس الميريكاني دونالد ترامب فمراتو ميلانيا، البارح الخميس، فواحد الاحتفال اللي كان فالبيت الأبيض بمناسبة عيد الأم.

ترامب مدح ميلانيا بزاف، وباسها فخدّها قبل ما يخليها تهضر فواحد الحفل اللي كان مخصص لتكريم أمهات العسكر.

وقال وهو كيعبر على المشاعر ديالو: “بغيت نشكر وحدة من أحسن الأمهات اللي عرفتهم فحياتي. مراتي كتكون زوينة لدرجة ما كتصدقش”.

وزاد قال: “هي أم رائعة لولدنا بارون، اللي ولى شاب قوي ومؤدب، وتلميذ كيدير جهدو. شكراً لك على الخدمة اللي كتديريها، وانتي سيدة أولى ممتازة”.

وهاد لحظة الغزل بين ترامب وميلانيا جات نهار بعد ما خرج تقرير من جريدة “نيويورك تايمز”، اللي قالت أن ميلانيا قضات أقل من 14 يوم فالبيت الأبيض فالمية يوم الأولى من الولاية الثانية ديال راجلها.