كود سبور//

قررت العاصمة الفرنسية باريس، فحالها فحال عدد من المدن بفرنسا، تقاطع ليماتش ديال كأس العالم قطر 2022، بسبب الشروط البيئية اللي تم فيها بناء الملاعب فقطر وأيضا انتهاكات حقوق الانسان.

وغادي تجنب بلدية باريس تعلق شاشات عملاقة فساحات المدينة فمونديال قطر، باش يتفرج فيها الجمهور، وهو نفس الإجراء اللي سبقاتها ليه مدن فرنسية أخرى من بينها مرسيليا وبوردو ونانسي وريمس ستراسبورك بسبب البيئة وحقوق الإنسان فقطر.

ووضح نائب عمدة باريس المسؤول عن الرياضة، بيير رابادان، فتعليق لوسائل إعلام فرنسية على قرار المقاطعة  لإذاعة: “كاينا مشاكل بيئية بسبب التيرانات المكيفة”.

وأضاف أيضا أن: “الظروف اللي تم فيها بناء التيرانات  حتى هي مشكوك فيها”، وذلك فإشارة للوفيات فصفوف العمال اللي كانوا كايبنيو فملاعب كأس العالم بقطر”.

للإشارة فالمنتخب الفرنسي غادي يدخل مونديال قطر 2022، للدفاع على اللقب اللي توج به فكأس العالم روسيا 2018، وكيتواجد فالمجموعة 4 مع استراليا والدنمارك وتونس.