كود – وكالات //

هاد العام، الفنانة والمنتجة الفرنسية Barbara Butch هي اللي كتشرف على البرمجة الفنية،اختارت يكون موضوع المهرجان هو الحب بجميع أشكالو.

باربرا بوتش قالت بلي اختارت الحب حيث العالم اليوم محتاج ليه أكثر من أي وقت فات، وبغات تخلي “ليلة بيضا” مهرجان شعبي وتفاعلي يقدر يستمتع بيه حتى اللي ما عندوش علاقة بالفن المعاصر باش يعيش لحظة جميلة ويتقاسمها مع الآخرين.

هاد الفنانة معروفة بدفاعها على قيم التنوع والشمولية، وسبق ليها شاركات فحفل افتتاح الألعاب الأولمبية فباريس 2024، واللي من بعدو تعرضات لحملات كراهية وتهديدات على الإنترنت ، وردّها كان أنها دارت دورة كاملة من المهرجان تحت شعار الحب والانفتاح على الآخر.

الافتتاح غادي يكون من ساحة بلدية باريس، مع عرض موسيقي واحتفالي كبير، وتمارين جماعية على الموسيقى، بالإضافة إلى ظهور مفاجئ لفنانة فرنسية معروفة.

دورة 2026 من “ليلة بيضاء” ماشي غير مهرجان فني، ولكن دعوة مفتوحة للاحتفال بالحب والتسامح والعيش المشترك، أكثر من 200 عمل فني مجاني غادي يعمرو شوارع باريس، الساحات، الكنائس، المتاحف وحتى لابسينات، باش يعيش الزوار ليلة استثنائية كلها فن وموسيقى وضوء ومشاركة جماعية.