كود – كازا ///

قررت السلطات الفرنسية سحب الجنسية من الجهادي المغربي بلال التاغي اللي ارتكب أول “عملية جهادية” في سجون فرنسا يوم 4 شتنبر 2016. وحاول التاغي اغتيال 2 ديال الحراس في الحبس ديال دواز بجنوية وتبنى العملية باسم تنظيم داعش الإرهابي.

وحسب جرائد فرنسية، فقد تم صدور القرار في الجريدة الرسمية فـ 7 غشت الحالي.

وتحكم على المعني بالأمر بـ28 عام ديال الحبس. وجا في المرسوم: “بموجب مرسوم مؤرخ ف 5 غشت 2024، وبموافقة مجلس الدولة، تم تجريد السيد بلال التاغي من الجنسية الفرنسية”.

وحاول التاغي يهاجر إلى سوريا، وتشد في الحبس مدة 5 سنين. واعترف خلال المحاكمة ديالو بالوقائع المنسوبة ليه وقال إن الفرصة إذا تعطات ليه ثاني غادي ينفذ العملية، لكنه صرح من بعد، أنه تاب عن التطرف وتخلى عن الفكر الجهادي ديال داعش.

https://www.liberation.fr/societe/police-justice/bilal-taghi-lauteur-du-premier-attentat-jihadiste-en-prison-a-ete-dechu-de-la-nationalite-francaise-20240807_D4N4AHYL65DI7MM2ZB3ZAQL4PQ/