مصطفى الشاذلي – كود سبور///
قال الإطار الوطني بادو الزاكي، في لقاء مع قناة “Ten Tv” المصرية، أن التعادل ديال المنتخب الوطني المغربي مع نظيره الكونغولي سهم فيه الطقس اللي كتعرفو الكوت ديفوار.
وأوضح الزاكي: “الماتش مكانش ساهل حقاش التوقيت ديالو كان صعيب بزاف والخصم كان عند المنتخب الوطني هو الحرارة والرطوبة، ومع الوقت بدينا نشوفو المخزون البدني ديال أسود الأطلس”.
وذكر الإطار الوطني الزاكي باللي فريق الخصم كان ممكن يدير المفاجأة أمام معاناة المنتخب الوطني المغربي من المخزون البدني، وزيد عليها الفراغات اللي لقا فريق الخصم بعد التراجع البطيء ديال لاعبي الأسود، لكن المنتخب الوطني كان محظوظ مني خرج بالتعادل”.
