كود -وكالات//

كيقول واحد الخبير فمجال الالتهابات وأمراض القلب بلّي الروج  بلا كحول يقدر يعطي نفس الفوائد الصحية للقلب بحال الروج العادي ،وحسب الأستاذ يوانيس زابيتاكيس، المتخصص فكيمياء الأغذية بجامعة ليمريك فإيرلندا، السر كاين فواحد النوع ديال الدهون سميتها “الدهون القطبية”. هاد الجزيئات فيها سلاسل ديال الأحماض الدهنية وكتعاون تنقص الالتهابات فالجسم، واللي كتعتبر من أهم العوامل اللي كتسبب أمراض القلب والشرايين ،وكتعاعد هاد الدهون  فرفع مستوى الكوليسترول المزيان  المعروف بـHDL، اللي كيلعب دور مهم فتنقية الشرايين حيث كيجمع الكوليسترول الخايب LDL وكيصيفطو للكبدة باش يتخلص منو الجسم.

وزاد الخبير كيشرح أن الروج، سواءط كان فيه لالكول أو لا ، فيه نفس الكمية تقريباً من هاد الدهون المفيدة ، وكيعطي مثال بالفرنسيس لي  كياكلو ماكلة فيها دهون مشبعة بحال الجبن والزبدة واللحم لحمر ، وخا هكاك  ما كيعانيوش بزاف من أمراض القلب مقارنة مع دول أخرى ،وكيعتقدو  الباحثين أن السبب ممكن يكون هو استهلاك النبيذ الأحمر بالقياس ،وخا هكاك كيشددو الخبراء أن الاعتدال ضروري، وأن صحة القلب كتبقى مرتبطة حتى بالرياضة، والحفاظ على وزن صحي، وتجنب التدخين، و تناول أطعمة مزيانة  بحال الحوت الدهني،و زيت الزيتون، والمنتوجات المخمرة بحال اليوغورت والكفير.