كود ـ وكالات //

شاب بريطاني لابس حوايج «باتمان» تبع شفار فشوارع مدينة نورويتش البريطانية، وقدر يرجع صاك مسروق لمولاتو.

القصة وقعات مع سوني ماسون، عندو 25 عام، اللي مشى من لندن لنورويتش باش يحضر حفلة تنكرية بمناسبة عيد ميلاد واحد صاحبو، وكان لابس حوايج «باتمان».

الأمور تبدلات ملي دخل واحد الراجل وسط مجموعة ديال الناس كانوا واقفين قدام واحد البار، واتهم جوج عيالات بأنهم سرقو منو الگارو قبل ما يحيد الصاك ديال وحدة منهم ويهرب.

A partygoer dressed as Batman chased down a thief and retrieved a stolen handbag on Saturday night.

Sonni Mason, 25, a café worker from London, was out for a friend’s fancy dress birthday party when he witnessed a man grab a woman’s bag from the queue outside a bar in Queen… pic.twitter.com/YSGMJz6LZ0

— The Times and Sunday Times (@thetimes) September 24, 2026

باتمان ما ترددش، جرا وراه، ومعاه وحدين آخرين كانوا حتى هوما لابسين حوايج ديال شخصيات من بينها «مستر فانتاستيك» و«بويزن آيفي» و«سايكلوبس».

ومني كانو تابعينو، الشفار سمح فالصاك ورماه فوق حيط قريب من كاتدرائية نورويتش.

باتمان طلع فوق الحيط ونقز وجبد الصاك، قبل ما يعطيه لمولاتو وسط تصفيق الناس اللي كانوا كيتفرجو.