كود سبور//

خرج خورخي ميسي والد ووكيل أعمال أسطورة كرة القدم العالمية الأرجنتيني ليونيل ميسي نجم باريس سان جيرمان ينفي داكشي اللي نشراتو وكالة “فرنس بريس” بخصوص أن ولدو صافي غيلعب مع الهلال السعودي العام الجاي وبلي اتفق معهم.

وفبيان له قال وكيل أعمال ميسي: “ما كاين والو وما اتفقنا مع حتى نادي على الموسم المقبل، حتى نهاية هذا الموسم عاد غناخذو القرار ديالنا، أي حتى يسالي العقد مع باريس سان جيرمان الفرنسي”.

وكمل بابات ميسي وقال: “ديما كاين الرواج باسم ولدي، ولكن راه كناكد بلي ما كاين حتى توقيع أو شي اتفاق وحتى اتفاق شفوي ماكاينش، وهذا الشي راه ما غيكون حتى يسالي الموسم ومع الأسف هذا الشي ولا فيه الكذوب وما كاينش حتى الدليل”.