كود سبور//

گلسو العصبة الوطنية لكرة القدم الاحترافية مع الوداد الرياضي، على قبل المشاكل اللي عند النادي.

الاجتماع كان تحت اشراف فوزي لقجع رئيس الجامعة الملكية المغربية لكرة القدم اليوم الخميس بالدار البيضاء فلوطيل ريجينسي، وحضر رئيس الجمعية الرياضية للوداد الرياضي براهيم العسري وهشام ايت منة رئيس الشركة الرياضية للنادي مع رئيس العصبة الوطنية لكرة القدم الاحترافية عبد السلام بلقشور

الاجتماع تطرق للازمة ديال الوداد الرياضي ومشاكل النزاعات اللي عند النادي حيث خاصو يرفع المنع اللي عليه باش يقدر يكونفوكي اللعابا الجداد، اضافة إلى الهيكلة ديال النادي وداكشي ديال الشركة الرياضية.

للإشارة فنفس الفندق عرف بالتزامن مع هذا الشي لقاء ديال حزب الأصالة والمعاصرة بالدار البيضاء من الحملة الانتخابية ديال البام اللي فوزي لقجع كان حاضر فيه.