الرئيسية > آش واقع > بإجمالي 272.1 مليون درهم.. صادرات الصناعة التقليدية المغربية طلعات ب38 فالمية هاد العام
02/06/2021 20:20 آش واقع

بإجمالي 272.1 مليون درهم.. صادرات الصناعة التقليدية المغربية طلعات ب38 فالمية هاد العام

بإجمالي 272.1 مليون درهم.. صادرات الصناعة التقليدية المغربية طلعات ب38 فالمية هاد العام

كود- و. م.ع//

عرفات صادرات الصناعة التقليدية المغربية ارتفاع ديال 38 فالمية فهذ النص اللول من عام 2021، بالمقارنة مع العام اللي فات، بارتفاع إجمالي ديال 272.1 مليون درهم.

وحسب بيان لوزارة السياحة والنقل الجوي والاقتصاد الاجتماعي، طلعات صادرات الصناعة التقليدية المغربية بربعة ديال المرات بالمقارنة مع أبريل 2021.

والأدوات النحاسية كتجي فالمركز الأول بنمو 341 فالمية مقارنة بنفس الفترة من عام 2020، كتجي بعدها منتوجات متنوعة بارتفاع 158 فالمية، ثم البطانيات ب131 فالمية، وعاد الحديد بارتفاع 130 فالمية، أما السلات والسلع الجلدية والفخار والسبابط، فعرفو ارتفاع ديال 75 و68 و42 و35 فالمية على التوالي. بالمقارنة بالعام اللي فات.

والصويرة وأكادير وقنيطرة هي المدن اللي كتبيع أكبر عدد من الصادرات، و82 فالمية من هذ المنتوجات كتحصل عليه كازا (49 فالمية) ومراكش (33 فالمية) باش تقوم بتصديرها.

وتضاعفات صادرات المغرب لميريكان فهذ الفترة ب3 مرات، واسترالية بزيادة ديال 242 فالمية، وفأوروبا بلجيكا وفرنسا هوما اللي طلعات نسبة التصدير ليهم ب124 فالمية و93 فالمية على التوالي.

موضوعات أخرى

23/06/2021 15:30

والمباراة لي شاركو فيها أطر؟. ايت الطالب عين الخداري رئيس قسم التواصل بالنيابة قبل ماتسالي الولاية الحكومية – وثيقة